Impresionante o alumeado que gasta este ano Santiago para o Nadal. Por unha vez non é ironía, da gusto pasear polas rúas de Compostela. ¡Con dicirvos que ata me está entrando o espíritu navideño…!

Fóra os míticos bonecos de neve con bombillas tamaño flexo, ó lixo cos típicos Papanueles que máis que Papanueles parecían representacións da constelación Orión! Este ano milleiros de micro-bombillas adornan cada rincón de Compostela, creando formas caprichosas e elegantes, moi alegres e dinámicas. Un teito de fíos azuis cobre a entrada ó Vilar. A Plaza Roxa está preciosa.

O único chungo é a iluminación que puxeron en Cervantes… Pero chunga, chunga! Toda a columna recuberta de mini-flashes brancos…

Pero o mellor de todo (aínda que ó principio case me daban medo) son uns renos que hai chantados por toda a cidade. Son todos branquiños, con luz extraña… non sei como explicalo, é mellor velo.

No Obradoiro puxeron unha especie de portal de Belén feito igual que os renos. É moi divertido ir paseando e topar cun reno brilante ó dobla-la esquina. Parece ser que a idea tivo moi boa aceptación… tanta que alguén xa “colleu prestado” un dos renos que se reparten por toda a cidade. A noticia, no Correo, aquí. E non vos perdades o post dun tal PAPA NOEL!!

Se queredes ver máis exemplos desta orixinal decoración, máis links ó mesmo xornal.

A foto que puxen tamén foi sacada da web de El Correo Gallego, é de Ramón Escuredo.

This entry was posted on mércores, decembro 13th, 2006 at 1:50 am and is filed under As miñas Galizas, Parvadas, Sen clasificar. You can follow any responses to this entry through the RSS 2.0 feed. You can leave a response, or trackback from your own site.