Comeza a campaña!

mafalda_elecciones.gif

Acabo de poñer a TeleGaita para ver o inicio da campaña electoral… Touriño en Ourense, Quintana en Santiago, Rajoy non sei onde (é que me desconcentraba e tiven que baixar o volume)…

Hai unha cousa que me gusta moito das campañas: os discursiños que largan os políticos en canto ven o piloto vermello das cámaras encendido e enfocándoos. Non sei para que se fan os mitins, se total o discurso vén a ser o mesmo para todos, con ese ton e medio berrando:
“Porque no noso partido estamos ó lado dos votantes e das votantas, gobernaremos os concellos e concellas para tódolos galegos e galegas. Porque estamos ó lado da xente, e compartimos as súas preocupacións. Nós gobernaremos para todos e para todas, coa máxima honestidade”.
¡¡Mira que me raia que teñan que facer o masculino e o feminino de cada adxecivo ou sustantivo susceptible de variación!! ¡Que pesadiños! ¡Vaia moda do carallo!

En Pontevedra este ano estará interesante. ¿Que fará Telmo Martín? ¿Volverán facer coalición BNG e PSOE? ¿Quen acabará no sillón que actualmente ostenta Lores? Todo isto e moito máis ¡¡despois da publicidade electoral!!

Pero, sen dúbida, o que máis odio das campañas electorais é que sempre coinciden en época de exámenes ou en datas previas. ¿Sabedes o que é estar intentando chapar un tocho de folios fotocopiados cunha letra que non entendes e que a través das ventás se empece a escoitar de fondo o himno do PP? ¡Pirí, pirí, piriririrí, pirí, pirí, piriririríííí…!

Menos mal que son só dúas semanas. Tempo abondo para pensar a quen vou votar.

7 Responses to “Comeza a campaña!”

  1. Concord@ totalment@ contig@ n@ d@ mod@ d@ masculin@ feminin@. Agobiant@.

  2. sarampelo di:

    Isto faime lembrar aquilo que dixera a muller de Felipe González: “Los estudiantes y las estudiantas”. ¡Manda carallo na Habana!. Son como neniños pequeniños estes políticos. Coido que será o politicamente correcto. Digo eu.

  3. paideleo di:

    Non me gustan as campañas electorais e tampouco repetir os adxectivos e ó final seguen detrás os femininos…xa miras o que se adianta.

  4. Anxélica di:

    Eche o de tódolos anos! Pero pronto rematará, so pensa niso, e non haberá que aguantar máis discursitos !

  5. Ex traño di:

    o millor de todo é que ó peor non podemos votar a ninguen, xa que otorgar durante catro anos o poder dos nosos votos o tipiño menos malo, tampouco é bo. Para cando politicos decentes, fiables, cercanos y con vocación de servizo ao pobo??
    perdón por entrar sen chamar e facer tanto ruido…..

  6. bandini di:

    no tengo ni idea de a quién, sólo sé y ya es bastante saber a quién no…

  7. Tes moita razón no que dis dos xéneros e xéneras masculinos e masculinas…
    En canto ó voto, aquí en Ferrol, téñoo fácil. Resulta que pola dereito non podo votar, que mo prohibe a relixión. Así que quedan os de esquerdas: PSOE, BNG e EU. Pero os dous primeiros baixaron os pantalóns no tema de Reganosa e vounos castijar nas municipais durante 25 anos, polo menos.
    Así que votarei Esquerda Unida.